SAN SIMÓN DA COSTA

San Simón da Costa

É unha parroquia do Concello de Vilalba, na provincia de Lugo que limita con Vilapedre, Lanzos, Samarugo e Corvelle. Dista da capital da Terra Chá 14qm.
En 2018 conta con 391 habitantes (196 mulleres e 195 homes), a súa poboación encóntrase distribuídos nos barrios de: Acivro | Adaúlfe | Augarrío | O Barreiro | A Besta de Abaixo | A Besta de Arriba | Bodán | A Braña | O Cabradoiro | Cadriño | O Cal | As Campas | Candaído | A Candeei- ra | Carballotorto | Casal | A Casanova | A Casavella | Castiñeira | O Castro | Os Castros | O Cata- doiro | A Chá | O Chao | As Chás | A Costa do Sol | O Coto do Regueiriño | O Coto | A Croa | Es- tremil | As Folgueiras | Folgueiro | Fontarraña | Fontarriba | Os Fornos | Funcasta | Golariz | As He- dradas | A Lagoa | Laxoso | Lobán da Barreira | Lobán de Louros | Os Lobás | Malcán | Mariñanes | Merlos | Mirón | Montemeao | Pardasalbas | Pasarelle | Pedragosa | Penaserra | A Picheira | Pontenova | Porto dos Troncos | Portofermil | Prestes | Pude | Racamonde | A Raña | O Rebola- doiro | O Regueiriño | A Retorta | A Ribeira | As Rocellas | A Seara | Seixoá | Supena | O Tarrelo | Tralomonte | O Traveso | O Valado | Varela | A Veiga de Pude | A Veiga Rubia | A Veiga | Vento- selos | Vilamaior | Vilaragonte | Vilardebín | O Viso | Visodairas

LUGARES DE INTERESE:

A parroquia de San Simón da Costa, é a de máis altitude do Concello de Vilalba co pico Monseivane (929 metros), dende o que domina toda a comarca chairega, conxunto montañoso onde se integra a Serra da Carba.

O templo parroquial, na honra de San Simón, sitúase no lugar do Valado e é considerado “a catedral da Terra Chá” polas súas dimensións. Foi construido entre os anos 1802-1804 en substitución á antiga igrexa que había no mesmo lugar, considerandose a máis grande do Arciprestado ata o 1885.

No seu atrio atópase un dos cruceiros máis antigos da zona, con data do 1793 tal e como consta na súa inscrición. Destaca na base o altar ou pousadoiro de féretros e imaxes, utilizado antano para a celebración de misas no exterior. Outra mostra deste tipo de arquitectura popular atopámola no lugar da Veiga, co cruceiro do mesmo nome.

A capela de San Isidro encóntrase no monte, con advocación a San Cidre, que celebra a súa festa o 15 de maio.

A cultura señorial reflíctese na parroquia nos pazos de Bodán e Pude, a primeira antiga casa dos Sanjurjo, con pastos e regadío nas inmediacións, e o segundo situado entre outras construcións e vivendas, cunha galería de madeira e unha escalinata na fachada principal.

De moito máis tempo atrás é o castro de San Simón da Costa, tamén coñecido como “Castro de Vilarmaior”, onde se atoparon restos cerámicos e outros utensilios das épocas neolítica e paleolítica.

Monte do Monseivane, as súas características convérteno nun miradoiro natural no que gozar dunha estupenda panorámica da comarca da Terra Chá. Neste monte existen múltitude de ríos e o embalse de Pedraslvas que abastece a vila. Ao abrigo desta elevación habitan vacas e cabalos salvaxes, protagonistas dos famosos curros que se realizan na época da rapa das bestas para liberar de pelo e marcar aos animais.

Nesta parroquia fabrícase artesanalmente un tipo de queixo único que deu lugar á D.O. P. San Simón da Costa. O queixo é e forma cónica, tratado con fume de casca de bidueiro.
Como colofón ao percorrido pola parroquia, podemos visitar as queixerías artesanais que se espallan por todo o seu territorio, onde se elabora o singular queixo de San Simón.

Escola Habanera, inaugurada no ano 1913, foi construída coa colaboración  e esforzo dos veciños, e adicada a escola unitaria durante anos para os rapaces de San Simón e de Samarugo, hoxe utilizada como local social.

O traxecto que leva a Muras permite acceder ao monte Monseivane, que con 929 metros de altitude é o pico máis alto da Serra da Carba, conxunto montañoso onde se integra.

FESTAS:

San Isidro, 15 de maio

Nosa Señora, 14 e 15 de agosto

San Simón, 28 de outono

As datas son orientativas e poden sufrir algunha modificación.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies