Para contemplar unha paisaxe de ribeira, pode o sendeirista percorrer unha ruta próxima á vila e caracterizada por este tipo de natureza. A ruta comeza no Muíño do Rañego, situado a uns 500 m da vila, saíndo pola estrada que une Vilalba con Baamonde (antiga estrada da Coruña). Subimos río arriba e atoparémonos no camiño con presas e con muíños, tal como o dos Pasos, e por último o gran muíño do Madalena, emprazado preto da estrada que vai de Vilalba a Momán.
A proliferación de muíños nesta zona débese á antiga tradición cerealística da comarca (nun treito aproximado de 5 Km contabilízanse sete muíños).
Nesta zona podemos gozar tamén dunha illa entre o río Madalena e a presa do muíño, na cal atopamos diversas especies de árbores forestais e ornamentais que fan deste lugar un punto agradable para relaxarse dando un paseo. De seguido, pásase á zona da praia fluvial coa súa importante oferta de actividades lúdicas (baños no río ou na piscina, práctica de diversos deportes, contemplación da natureza, zona de merendas, etc.).
Páx.Anterior