Exposición de pintura ” Catro médicos pola Chaira”

Publicado: Xoves 14 Decembro 2017
Area: Cultura Eventos

O luns 18 de decembro na Casa da Cultura terá lugar ás 19.30h a inauguración da mostra pictórica “Catro médicos pola Chaira”. Esta exposición recolle traballos de catro galegos nados na provincia de Lugo e vinculados a estas terras. Leopoldo García Méndez, Pablo Galego Feal, Jesús Vázquez Gallego e Tino Cuesta compoñen este grupo de médicos lucenses unidos pola creatividade e a paixón polos pinceis.

Esta exposición permanecerá aberta ao público desde o 18 de decembro de 2017 ao 19 de xaneiro de 2018, no horario habitual da Casa da Cultura.